Psixoloqlar haqqında bəzi faktlar

1)Psixoloq kimdir?
Ağırlıq qaldırarkən gücümüz çatmadıqda yardıma çağırdığımız insanlar kimi psixoloqlar da ruhumuzdaki yükləri qaldırmaqda bizə dəstək olacaq şəxslərdir.Psixoloq düşüncələrimizi, hisslərimizi və davranışlarımızı elmi baxımdan öyrənir və insanlara davranışlarını başa düşmək, izah etmək və dəyişdirmək üçün bu bilikləri tətbiq edir.
2)Psixoloqa dəlilər gedir?
Psixoloqa müraciət edən insanlara ətrafındakılar tərəfindən dəli(əslində etik söz deyil) və ya problemli biri olaraq baxıla bilər.Bu səbəbdən də insan psixoloq yanına getməkdən çəkinə və ya gizli gedə bilər. Lakin psixoloqa getmək üçün mütləq bir probleminizin olmasına ehtiyac yoxdur.Həyat keyfiyyətini yaxşılaşdırmaq üçün psixololardan yardım alan bir çox insan var. “Görürsən, psixoloqa gedir.” cümləsi ilə bərabər sizə sanki ölümcül xəstəliyə düçar olmusunuzcasına baxan insanları vecinizə də almayın.Bunu beyninizdə “professional yardım almaq” kimi kodlaşdırın və özünüzə verdiyiniz bir hədiyyə olaraq qəbul edin.
3)Şəxsi məlumatların yayılması qorxusu
Bəzən insanlar psixoloqun onların şəxsi həyatı ilə bağlı məqamları kimlərləsə bölüşəcəyini düşünürlər.Buna görə də şəxsi məlumatlarını verməyə çəkinirlər.Lakin bilməlisiniz ki,psixologiyanın ən önəmli etik prinsiplərindən biri də “məxfilik prinsipi”dir.Yəni, şəxsin özünə və ya başqa bir şəxsə ciddi zərər vurması halları istisna olmaqla, əldə edilən məlumatlar qəti şəkildə heç kimlə paylaşıla bilməz. Hətta paylaşılması vacib olan hallarda belə şəxsin özünə bu haqqda məlumat verilməlidir.
4)Psixoloqlar dərman yaza bilər?
Psixoloqların dərman yazmağa səlahiyyəti yoxdur. Tibb fakültəsini bitirdikdən sonra psixi sağlamlıq və xəstəliklər sahəsində ixtisaslaşan həkimlər psixiatr adını alır və dərman preparatlarını təyin etmək səlahiyyətinə malik olur.Bu baxımdan psixiatrlar tibb sahəsində, psixoloqlar isə terapiya sahəsində ixtisaslaşmış olurlar.
5)Psixoloq məni qınayacaq?
Psixoloq mühakimə etmir, damğalamır, tənqid etmir, qınamır, məsləhət vermir, diaqnoz qoymur.Psixoloqun ən əsas vəzifəsi sizi dinləmək, anlamaq və yardım etməyə çalışmaqdır.Psixoloq bir növ güzgüdür, o, sizə güzgüdə əks olunanları anlamağa kömək edərkən içinizdə istifadə etmədiyiniz güclərinizin – qabiliyyətlərinizin fərqinə varmağa vadar edir.