Fikir vermişəm ki, insanları ən çox pis edən şey gözləntilərinin doğruldulmamasıdır. Gözləntiləri reallaşmayan insanlar aşağıdakı tipli cümlələr qururlar.
Mənim həyatım pisdir.
Mənim bəxtim yoxdur.
Nə pis şey var, gəlib məni tapır.
Əslində isə gözləntiləriniz reallaşmaması həyatınız pis olduğu mənasına gəlmir. Normal həyat yaşadığınızın göstəricisidir. Çünki, həyat siz başqa planlar qurarkən başınıza gələn hadisələrdi. Bəs nə etmək lazımdır? Sadə şəkildə desəm, davam etmək lazımdır. Düşüncə tərzi belə olmalıdır. ” Tamam, istəmədiyim bir şey oldu. İndi bunu necə həll edə bilərəm? ”
Problemi yox, həll yolunu düşünmək lazımdır. Və açığı, işimlə əlaqədar olaraq çox böyük problemləri olan insanlar görmüşəm və buna görə əminliklə deyə bilərəm ki, həll olunmayan problem yoxdur.
Fuad Əsədov
