BURCLERIN IS HEYATI

BURCLERIN IS HEYATI
Qoç:
Qoçlar, adətən, uşaqlıqlan peşə seçirlər. Onlar dinamik, səyyar və risk tələb edən işləri çox sevirlər. Qoçlara bank işi, nəğd pulla bağlı əməliyyatlar, qiymətli kağızlarla iş, nəqliyyat sahəsi, yol və mənzil tikintisi, şirniyyat və içki reklamı, alqısı-satqısı daha çox uğur gətirəcək.
Risk zonası: ev alqı-satqısı, kirayəsi, kimya sənayesi, ev əşyaları biznesi, dəniz məhsullarının istehsalı.
Buğa:
Buğalar iş, sənət və pul haqda ən çox düşünən insanlardır. Sənaye, təmir-tikinti materiallarının satışı, dizayn işləri, bərbər və kasmetoloji xidmət, zərgərlik əsl buğaların peşəsidir.
Uğurlu sahələr: turizm biznesi, əkinçilik və heyvandarlıq, mehmanxana xidməti, avtoserviz.
Risk zonası: kimyəvi işlər, kimya sənayesi, xalça satışı, əczaçılıq, videoaparatura, mühafizə xidməti.
Əkizlər:
Digər zodiaklara nisbətən Əkizlər daha çox zehni işlərlə məşğul olurlar. Onlar böyük həvəs və uğurla məruzələr, çıxışlar, sənədlər, dərslik və bədii kitabların, ədəbi-elmi məqalələrin müəllifi olurlar. Buna görə də Əkizlər kütləvi informasiya vasitələrində məlumat xidmətində, rabitə sistemində, supermarket və geyim mağazalarında çalışa bilərlər.
Risk zonası: xalça istehsalı, santexnika, mebel satışı və təmiri, yol tikintisi.
Xərçəng:
Xərçənglər tez böyüyüb, işləyib pul qazanmağa tələsmirlər. Onlar çox şeyi taleyin öhdəsinə buraxırlar. Uğurlu sahələri: əntiq əşyalar birjası, ticarət avadanlıqları istehsalı, ərzaq məhsulları, soyuducu, qalanteriya, uşaq oyuncağı istehsalı, uşaq bağçası, bank, restoran idarəçiliyi.
Risk zonası: bərbər işi, spirtli məhsullar istehsalı və satışı, katibə.
Şir:
Cəmiyyətdə öz işləri və gəlirləri ilə seçilmək arzusundadırlar. Qazanıb, xərcləməyi xoşlayırlar. Onlardan zərgər, əntiqçi, diplomat, aktyor, teatr xadimi, rejissor, atlet, rəhbər, siyasətçi, inzibatçı çıxar.
Risk zonası: silah-sursat satışı, muhafizə-müdafiə xidməti, tibb sahəsi, heyvandarlıq.
Qız:
Hələ uşaqlıqdan diqqətlə sənət seçir və planlar qururlar. İşdə çox ehtiyatlı, diqqətli və bacarıqlıdırlar. Onlardan yaxşı həkim, əczaçı, təbib, dilçi, mühəndis, mağaza sahibi, katib, köməkçi çıxa bilər.
Risk zonası: ayaqqabı istehsalı, spirt və tütün məhsulları, idman ləvazimatları və parfümeriya, reklam biznesi.
Tərəzi:
Onlara peşə seçimində kömək və məsləhətçi lazımdır. Əmrə tez tabe olandırlar. Dəb, geyim, dizayn işlərini əla bacarırlar. İncəsənət aşiqidirlər. Onlardan həm də yaxşı hüquqşünas, diplomat, teatr işçisi, jurnalist, reklam meneceri, zərgər, kulinar çıxa bilər.
Risk zonası: çox az sahələr var ki, orda uğur qazanmasınlar. İntuisiyaları nədən çəkindirsə, o işdən əl çəkməlidirlər.
Əqrəb:
İntellekt və dərin emosiyaya malik Əqrəblərdən filosof, ədib, cərrah, şturman,şaxtaçı, mexanik çıxa bilər. Reklam, biznes və siyasət sahəsi Əqrəblərə çox doğmadır. Hətta silah-sursat istehsalı və satışı ilə də məşğul ola bilərlər.
Risk zonası: bərbərxana, massaj, avtomobillər,narkobiznes onlarlıq deyil.
Oxatan:
Pul işində əlləri yaxşı gətirmir. Tez-tez səhv addım atmaqla uğursuzluğa düçar olurlar. Buna baxmayaraq, onlardan məşhur idmançılar, gimnastlar, ovçular, aşbazlar, tərcüməçilər, repartyorlar, mühəndislər, kazino sahibləri, hakimlər, din xadimləri, siyasətçilər yetişə bilər.
Risk zonası: yanacaq sahəsi, nəqliyyat, süd məhsulları istehsalı.
Oğlaq:
Ağır işdən qorxmurlar, dəqiq və səbrlidirlər. Açıq havada işləməyi sevirlər, səs-küydən, tünlükdən qaçırlar. Oğlaqları sosioloq, siyasətçi, filosof, fermer, yol inşaatçısı, hüquqşünas kimi görə bilərsiniz. Torpaq, ev, nəqliyyat işləri əsl onlarlıqdır.
Risk zonası: bitkiçilik, heyvandarlıq, tütün, dəri məmulatları.
Dolça:
Hər işdə baş çıxarıb, bir yol tapa bilirlər. Pul onları az maraqlandırır. Qazandıqlarından çox xərcləyirlər. Uğur qazanacaqları sahələr-incəsənət, kino, radio,televiziya,pedaqogika, təhsil, sosiologiya, psixologiya, istirahət və sanatoriya işləri, mebel istehsalı, idman ləvazimatları, ərzaq məhsullarının satışı.
Risk zonası: qumar biznesi, bank işi, geyim və təsərrüfat mallarının satışı.
Balıqlar:
Çox böyük zövqə və istedada malikdirlər. Balıqlar yazıçı, rəssam, musiqiçi, aktyor olurlar. Turizm, bəzək əşyaları satışı, reklam agentliyi, qəzet-jurnal işi əsl onlarlıqdır. Çox zaman qeyri-ənənəvi sahələrə meyl edirlər: yoqa, astrologiya, xiromantiya, okkultik elmlər, magiya.
Risk zonası: tikinti, metallurgiya, avtobiznes, tütün və içki məhsulları.