Kişilər yoxsa qadınlar yaxşı yalan danışır?

Əhalinin həyat tərzi onlara ünvanlanan müxtəlif psixoloji sullara əsaslanaraq yoxlanılıb
Kişilər yoxsa qadınlar yaxşı yalan danışır? Business İnsight İnternational Research Qrupun həyat tərzi araşdırmasının nəticələrinə görə Azərbaycanda ən yaxşı, yəni professional yalançı qadınlardır. Sorğuya cəlb edilənlərin 53 faizi qadınların, 34 faizi isə kişilərin yaxşı yalançı olduğunu deyib.
Sorğuda iştirak edənlərə azərbaycanlıların həyat tərzini əks etdirən müxtəlif sullar ünvanlanıb. “Sizcə kiminlə evlənməli, sevdiyin yoxsa etibar etdiyin biri ilə?” sualına cavab verənlərin 53 faizi etibar etdiyimlə evləndim və ya evlənərdim deyib.
“Sorğuda respondentlərdən əvvəl avtomobil yoxsa ev olmalıdır?”, “Siz müsəlman olmayanla evlənərsinizmi?”, “Kimə ən çox güvənirsiniz?”, “Heç sevgilinizdən bezdinizmi?” şəklində suallar da soruşulub. Məlum olub ki, azərbaycanlılar əvvəl ev, sonra avtomobil almağın tərəfdarıdırlar. Güclü sevgiyə gəlincə tolerantdırlar. Çox sevsək müsəlman olmayan biri ilə də evlənərik deyiblər. Böyük əksəriyyət isə sevgilisindən bezdiyi vaxtların olduğunu etiraf edib.